Konzertbericht

Bi Sunneschin u fasch 30 C° het sech üsi Gmeind a dem Sunntig-Abe uf em Schueuhusareau versammlet u Bratwürscht u Chueche verdrückt.

D’ Wort vor Gmeindspräsidentin zu dem bsundere Tag si ufmerksam verfougt worde.

Mir hei z’spendierte z’Nacht mit passender Blasmusig vergoute…

…u si aschliessend mit Chind, Chegu u Lampions musizierend zum grosse Füür uf z’Moos use marschiert.

Uf ds Mau stigt z’runde, nachdänkleche Gsicht vom Mond-Housi über em Jaberg uf. O der Petrus het sis Lampion azündet.

Ä chline Aahang:
Sicher hei o üse Schlagzüg-Chrigu u d’Sabe z’Amerika äs Schwizerfähndli ids Baukonchischtli gsteckt u mit ere Träne i de Ouge d’Landeshymne gsunge.